Қытай билігі 4 ақпанда Латын Америкасының төбесінен көрінген әуе шарын сол елге тиесілі екенін растады.

Қытай Сыртқы істер министрлігінің АҚШ-тағы өкілі Мао Нин әуе шары ауа райына байланысты бағытынан айтарлықтай ауытқып кеткенін айтты, деп жазды CNN. Бейжің әуе шарының тыңшылық қызметі туралы болжамдарды жоққа шығарады.

«Қытай – жауапкершілігі бар ел. Біз әрқашан халықаралық құқықты қатаң сақтадық. Біз барлық тиісті тараптарды хабардар етіп, ешбір елге қауіп төндірмейтін жағдайды қажетінше реттедік»,-деді Мао Нин.

Zakon.kz-тің жазуынша, бұл Американың континенттік бөлігінде көрінген екінші шар. АҚШ әскері ақпан айының басында алғашқы әуе шарын байқады. Көп ұзамай Қытай билігі аппараттың азаматтық функцияларын жариялады. Алайда АҚШ-тың мемлекеттік хатшысы Энтони Блинкеннің Қытай астанасына барудан бас тартуына осы себеп болды.