Қытай АҚШ-тың ұлттық қауіпсіздігі мен мүддесіне үлкен қауіп төндіріп тұрған көрінеді. Мұны АҚШ-тың қарсы барлау және қауіпсіздік ұлттық орталығының директоры Уильям Еванина BBC-ге берген сұхбатында айтты.

«Бұл тек қана АҚШ-тың ішінде болып жатқан мәселе емес. Қытай экономикалық, әскери қауіпсіздік және әлемдік деңгейде қауіпке айналып отыр.  Ол үшін Қытайдың геосаяси, әскери және экономикалық тұрғыдан әлемдік үстем елге айналуды көздейтін стратегиялық мақсатына көз салсақ та жетіп жатыр. Осы мақсатқа жету үшін олар мүмкін болған барлық жолды пайдаланады. Бұл АҚШ-тың ғана емес, әлемдік мәселе» – деді Уильям Еванина. Оның айтуынша, АҚШ-тың әділет министрлігі жиырма Қытайдың заңды және жеке тұлғаларына қатысты іс қозғаған екен.