Америкалық «New York Post» басылымы Джо Байден сайлауда жеңіске жеткен күні белгісіз біреу Лондоннан құны 181 миллион доллар тұратын пәтер сатып алды деп жазды. Англияның орталығындағы элиталы жылжымайтын мүліктің ерекшелігі – 1938 мен 1960 жылдардың аралығында мұнда АҚШ-тың Ұлыбританиядағы елшілігі орналасыпты. Англияның «The Times» газеті мен «Tatler» журналы мәміледегі сатып алушының атын атамады. Алайда, АҚШ-тағы әлеуметтік желілер, республикалық партия мен Дональд Трамптың жақтастары бұл мәмілені қазақстандық бизнесмен Кеңес Рақышевпен байланыстырады. Оның Байденнің ұлы Хантер Байденмен байланысы бар екені осыған дейін бірнеше рет жазылған. Хантер Рақышевтің Нью-Йорк пен Вашингтондағы инвестициясына және оның ірі көлемдегі ақшасын заңдастыруға болысты деген тұспалдар жасалуда. Шетелдік басылымдар қазақстандық олигарх АҚШ-тың 46-шы жаңа президентіне қосқан үлесін осылай «тойлауы» мүмкін деп жазды.