АҚШ қауіпсіздік қызметтерінің өкілдері Израиль арнайы қызметтерінің басшылығын Сириядан әскерлерді кезең-кезеңімен шығару екі ай ішінде басталатыны жөнінде хабардар еткен. Бұл туралы Ynet басылымы хабарлады.

Басылым мәліметінше, Израильдің АҚШ-қа қысым жасап, америкалық әскерлердің Сирияда қалуын қамтамасыз етуге тырысқан әрекеттері нәтиже бермеген.

2024 жылдың желтоқсанында Пентагон Сирияда шамамен 2 мың америкалық әскери қызметкер бар екенін мәлімдеген болатын.

Ynet атап өткендей, бұл әскерлерді шығару жоспары күтпеген жағдай емес, себебі АҚШ президенті Дональд Трамп Ақ үйге қайта оралғаннан кейін бұл әрекет оның әкімшілігінің оқшауланушылық саясатына сай жүзеге асып жатыр. Трамп бұл аймақтан америкалық әскерлерді шығару жөнінде бұрыннан уәде берген.