Астанада «Атамекен» Ұлттық кәсіпкерлер палатасының бұрынғы басқарма төрағасы Абылай Мырзахметовке қатысты негізгі сот отырысы басталды. Сот жабық режимде өтіп жатыр.

22 қаңтарда сағат 10.00-де Астанада «Атамекеннің» бұрынғы басшысы Абылай Мырзахметовке қатысты бас сот отырысы басталды.

Айта кетейік, куәгерлердің бірі өз қауіпсіздігіне қауіптенгендіктен, прокурор сотты жабық режимде өткізуді сұраған. Қорғаныс тарапы оны қолдады. Бұған дейін журналистерге сот ашық форматта өтетіні хабарланған болатын. Сондай-ақ журналистерге Мырзахметов пен оны қорғау кезінде фото және видео түсіруге тыйым салынды.

Еске сала кетейік, 2023 жылы 10 мамыр күні кешке Мырзахметовтің 30 миллион доллар (13,3 миллиард теңге) пара алу ісі бойынша ұсталғаны белгілі болды. Кейінірек Антикор Мырзахметовке қатысты қылмыстық іс қозғалғанын ресми түрде растады. Олигарх Қайрат Боранбаевтың ағасы Абылай Мырзахметовке қатысты ықтимал пара беруші ретінде танылды.