Қазақстан аумағында ауа райы құбылмалы, синоптиктер жаңбыр мен қар күтілетінін айтуда, деп хабарлайды Arasha.kz.
«Қазгидромет» мәліметінше, республиканың солтүстігінде, шығысында және орталығында аздаған бұрқасын мен көктайғақ болады. Батыста, оңтүстікте және оңтүстік-шығыста жауын-шашын жоқ. Ауа температурасы айтарлықтай өзгермейді.
Бірқатар өңірлерде бүгін көктайғақ пен тұманға байланысты дауылды ескерту жарияланған.
▪️ Астанада күндіз 0…+2 °C, жаңбыр, қар, тұман. Түнде 0…–2 °C, кей уақытта қар, аздаған бұрқасын, көктайғақ. Желдің жылдамдығы — 7–12 м/с.
▪️ Алматыда күндіз +8…+10 °C, түнде –1…–3 °C, жауын-шашынсыз. Желдің жылдамдығы — 3–8 м/с.
▪️ Шымкентте күндіз +12…+14 °C, түнде +2…+4 °C, кей уақытта жаңбыр. Желдің жылдамдығы — 3–8 м/с.
