Бүгін елдің басым бөлігінде қар жауып, боран соғады деп күтілуде. Ал республиканың батысында, оңтүстігінде және оңтүстік-шығысында қармен қатар жаңбыр жаууы ықтимал, деп хабарлайды Arasha.kz.
«Қазгидрометтің» мәліметінше, республика бойынша көктайғақ, тұман және екпінді жел болады деп болжануда. Елдегі орташа температура -13 °C-тан төмен түспейді.
Астанада: күндіз -7–9 °C, түнде -8–10 °C, қар жауып, боран соғады. Желдің жылдамдығы — 9–14 м/с, екпіні 20 м/с-қа дейін жетеді.
Алматыда: күндіз 0…+2 °C, көктайғақ, мезгіл-мезгіл тұман түседі. Түнде -2–4 °C. Желдің жылдамдығы — 2–7 м/с.
Шымкентте: күндіз +3–5 °C, түнде -3–5 °C, тұман түседі. Желдің жылдамдығы — 8–13 м/с.
