30 мамырда президент Тоқаевтың 31 мамыр – саяси қуғын-сүргін құрбандарын еске алу күніне орай елге жолдаған сөзі жарияланды. Онда президент саяси қуғын-сүргін құрбандарын ақтау туралы мемлекеттік комиссия құру туралы айтты. Осыған орай белгілі журналист Серік Әбікенұлы саяси қуғын-сүргіндерді ақтау туралы 1993 жылы қабылданған заңды өзгерту қажеттігі туралы ойын жария етті.

«Президент Қ.К. Тоқаев саяси-қуғын сүргін құрбандарын ақтайтын комиссия құруды ұсыныпты. Менің екі жылдан бері айтып келе жатқан ұсынысым:
Жаппай саяси қуғын-сүргiндер құрбандарын ақтау туралы
1993 жылғы 14 сәуiрдегі Заңды өзгерту керек . Оның 6-бабы, әсіресе в) тармағы отаршы Совет үкіметін қорғайды.

а) шетелге қашып немесе ұшып кетуден басқа Отанды сатудың барлық формалары; қарулы көтерiлiс немесе қарулы бандылар құрамында Республика аумағына революцияға қарсы мақсатта басып кiру және олар жасаған кiсi өлтiрулерге, басқа да күш көрсету әрекеттерiне; тiмiскiлiк, терроризм актісі, бүлдiру әрекеттерiне қатысу;