24-05-18 |
9280 рет қаралған
Әжетханада президент суреті бар газеттерді қолданғандар іздестіріліп жатыр.
Әжетханада президент суреті бар газеттерді қолданғандар іздестіріліп жатыр

Түркіменстанның Гумдаг қаласында учаскелік инспекторлар әжетханада президент Гурбангулы Бердімұхамедовтің суреттері бар газеттерді пайдаланғандарды іздеп жатыр деп хабарлайды жергілікті БАҚ-қа сілтеме жасай отырып, centralasian.org

Учаскелік инспекторларға ауладағы қоқыстардан президенттің былғанған суреттерін де іздеуді тапсырған. Әрбір қоқыс жәшігіне бір-бір қарауыл қойылған. Президенттің суреті бар жыртылған газеттерді қоқысқа тастаған адамдардың пәтер нөмірлерін анықтап, арнайы органдарға хабарлап отыру міндеттелген.

Наурыз айында Дашогуз облысы Гороглы ауданындағы орта білім беру мекемелерінің бірінің әжетханасында президенттің суреттері бар газет табылғаны үшін, мектеп директоры жұмыстан қуылған. Осы оқиғадан кейін құқық қорғау органдарының өкілдері мемлекеттік қызметкерлердің үйлерінің әжетханаларына тексеру жүргізген. Азаттық дереккөзінің хабарлауынша, тексеруден кейін 10 мемлекеттік қызметкер жұмыстан шығарылған.

Аймақтық шенеуніктер түсініктеме беруден бас тартты.

Негізі Түркіменстанда жергілікті басылымдардың бәрінде бірінші бетте міндетті түрде президент Гурбангулы Бердімұхамедовтің суреті тұруы тиіс.

Дереккөз: centralasian.org

БӨЛІСУ:
  • twitter
  • telegramm
  • facebok
  • vk
Соңғы мақалалар.
МІНБЕР.