АҚШ-тың Теннеси штатына қарасты Нэшвилл қаласында Humming House тобы Абайдың «Айттым сәлем, Қаламқас» әнін орындады. Видеоны АҚШ-тың Қазақстандағы елшілігі өзінің Facebook парақшасы мен youtube каналында жариялады. Америкалық топтың қазақ әндеріне деген қызығушылығы 2018 жылы басталған. Осыдан екі жыл бұрын елімізге American Music Abroad бағдарламасы бойынша келген топ Абайдың туған өлкесі Семейге барған. Бұған қоса, композитор, әнші Айдос Сағатпен бірге «Наурыз» әніне кавер жазды.