25-01-24 |
3730 рет қаралған
Елімізде 10 мыңнан астам адамға іздеуде жүр.
Елімізде 10 мыңнан астам адамға іздеуде жүр

Бас прокуратураның Құқықтық статистика және арнайы есепке алу жөніндегі комитетінің деректері бойынша қазіргі уақытта еліміз бойынша 10 178 адамға іздеу салынған.

Ведомствоның баспасөз қызметі хабарлағандай, іздеу салынғандардың 2 098-і – хабар-ошарсыз жоғалғандар.

Жоғалған адамдардың көп бөлігі :

Алматы қаласы – 278;

Қарағанды облысы-217;

Павлодар облысы-170;

Алматы облысы – 152 тіркелген.

Сонымен қатар:

үйден кетіп оралмаған – 1 572 адам;

автокөлікпен жоғалған – 73;

жұмыстан кетіп, қайтып оралмаған 38 адам іздеуде жүр.

Көбінесе 30 -дан 49 жас аралығындағы ер адамдар әртүрлі жағдайларда жоғалады (77%).

«Сондай-ақ елде тергеу мен соттан жасырынған 2 378 адам іздестіріліп жатыр», – делінген прокуратура хабарламасында.

Іздестірілуде жүргендер негізінен 31 мен 40 жас аралығындағы ер адамдар (89%). Олардың ең көп саны алаяқтық (526), ұрлық (309) және адам өлтіру (143) дерегі бойынша:

Алматы қаласында (496);

Астана қаласында (183);

Шымкент қаласында (149);

Алматы (164);

Қарағанды (148) облыстарында іздестірілуде.

Қазақстанда іздестіруді ішкі істер органдары, экономикалық тергеу қызметі және сыбайлас жемқорлыққа қарсы қызметі жүзеге асыратынын еске саламыз.

БӨЛІСУ:
  • twitter
  • telegramm
  • facebok
  • vk
Соңғы мақалалар.
МІНБЕР.