Қазақстанда карантин талаптары жеңілдеуіне байланысты жұма намазын енді мешіт ішінде оқуға рұқсат берілді.

Вице-премьер Ералы Тоғжановтың төрағалығымен өткен COVID-19 таралуына жол бермеу жөніндегі ведомствоаралық комиссия осындай шешім қабылдады.

27 қыркүйектен бастап Ashyq-та «қауіпсіз» жамағат үшін жұма намазы жабық орын-жайларда оқуға рұқсат. 

«Жасыл» аймақта тұрған өңірлерде мешіт ішінің адамдарға толуы 50 проценттен, «сары» аймақта 30%-тен, «қызыл» аймақта 20%-тен аспауы керек.

Осыған дейін жұма намазы мешіт ауласында оқылды.