12-04-24 |
6930 рет қаралған
Полицейлердің немқұрайлығынан әйел ақыры күйеуін өлтіріп тынды.
Полицейлердің немқұрайлығынан әйел ақыры күйеуін өлтіріп тынды

Айыпталушы сотта күйеуінің оны тіпті достарынан да қызғанатынын, жанжал шығаратынын, көп ішетінін айтты. Ол пышақпен ұрғанда өлтіремін деп ойламаған. Жақында сот оны 9 жылға бас бостандығынан айырды.

Ақтөбе қаласының мамандандырылған соты Хромтау қаласының тұрғыны күйеуін өлтіргені үшін соттады. Адам өліміне әкелген жанжалдан бір күн бұрын әйел күйеуінің үстінен полицияға шағымданған. Оларға учаскелік полиция қызметкері келгенімен, ер адамды бөлімге апармаған. Нәтижесінде ер адам пышақ соққысынан қайтыс болды, ал оның әйелі 9 жылға бас бостандығынан айырылды.

Хромтау қаласының 50 жастағы тұрғыны Жанар Т. күйеуін өлтірді деген айыппен сот залына жеткізілді.

Айыптаудан белгілі болғандай, күйеуімен кезекті жанжалдан кейін ол 102-ге телефон соғып, екі жол полиция қызметкері келіп, арызын алып, кетіп қалған. Кейін ол жерге учаскелік полиция қызметкері келіп, жанжалдасып жатқан екі тараппен сөйлесіп, арыз негізінде сот әкімшілік істі қарайтынын айтып, кетіп қалған. Ал келесі күні олардың арасында тағы да жанжал туындап, әйел пышақ алып, күйеуін ұрған, жарақаты өлімге әкеліп соғады.

Сотта әйел өлімге әкелген жанжалға дейінгі отбасылық өмірі туралы айтты. Ол болашақ жары Талғатпен 2009 жылы танысып, 2011 жылы бірге тұра бастады, ерлі-зайыптылар екі ұлды болды. Біраз уақыт олар Хромтауда оның пәтерінде тұрды, кейін Заречныйға көшті. Біраз уақыттан кейін олар Хромтаудан зәулім үй сатып алып, сонда көшті. Қарым-қатынастың басында Талғат шағын автобустарды жалға беретін кәсіппен айналысса, кейін жолаушылар тасымалымен айналысатын кәсібі өркендеп, көліктер саны көбейді. Жанар жұмысын тастап, күйеуіне бизнеске көмектесіп, есеп жүргізе бастады.

БӨЛІСУ:
  • twitter
  • telegramm
  • facebok
  • vk
Соңғы мақалалар.
МІНБЕР.