Бір ай бұрын талдықорғандық полицияның бұрынғы басшысына үкім шыққан болатын. Марат Күштібаев қызды жұмыс кабинетінде зорлағаны үшін 11 жылға бас бостандығынан айырылды.

Жергілікті БАҚ өкілдері Күштібаев әйелі арқылы жәбірленушіге жалған куәлік беру үшін пара бермек болғанын жазуда. Қазір бұл факті бойынша судьяның хатшысына қатысты тергеу басталды.

Жанжал өткен жылдың қараша айында болған. Бұрынғы жоғары шенді полиция қызметкері өз бөлмесінде қызды зорлаған. Жәбірленуші Талдықорған қаласының 27 жастағы тұрғыны. Ол тыныштықты бұзғаны үшін полиция бөліміне жеткізілген. Қызды көрген бастық қарамағындағыларға оны кабинетіне әкелуді бұйырады. Онда ол істі жабуға және «кез келген жерде және барлық жерде» көмектесуге уәде беріп, оны жақын қарым-қатынасқа шақырған. Қыз бас тартады, бірақ бұл Күштібаевты тоқтата алмады.

1 мамырда экс-басшы 11 жылға бас бостандығынан айырылып, полковник шенінен айырылды. Содан Жетісу облысының басшылығы түгелдей жұмыстан қуылды.