11-06-24 |
3760 рет қаралған
Құмар ойынға қызығатындар алимент төлемеген.
Құмар ойынға қызығатындар алимент төлемеген

Жетісу өңірінде 50 азамат үнемі құмар ойынын ойнап (интернет-казинолар, букмекерлік кеңселер) 150 миллион теңгеден астам қаржы жұмсаған, ал олардың балаларына 60 миллион теңге алимент түріндегі қарызы болған.

Мәселен, Талдықорғанда жарты миллион теңге алимент бойынша берешегі бар борышкер Д. онлайн букмекерлік кеңседегі есепшотын 52 миллион теңгеге толтырған.

Прокурорлардың жүргізген талдауы бойынша Әділет Департаментіне борышкерлерге қатысты шара қолдану туралы ұсыныс енгізілді.

Жалпы, жыл басынан бері Жетісу облысының прокурорлары 87 баланың берешек алименті бойынша 63 миллион теңге қарыздың орнын толтыруға қол жеткізді.

144 төлемеуші тұлға әкімшілік жауапкершілікке тартылды (116 адам қамауға алынды және 28-іне айыппұл салынды).

9 тұрақты төлемеуші тұлғаға қатысты Қылмыстық кодекстің 139-бабы (балаларды асырауға қаражат төлеу жөніндегі міндеттерді орындамау) бойынша сотқа дейінгі тергеу амалдары жүргізілуде.

БӨЛІСУ:
  • twitter
  • telegramm
  • facebok
  • vk
Соңғы мақалалар.
МІНБЕР.