Қырғызстанның полиция қызметкерлері мен арнайы қызметі 24.kg ақпарат агенттігінің Бішкектегі кеңселері мен Temirov Live YouTube арнасында тінту жүргізді.

Іздеу мен жауап алу нәтижесінде 11 адам қамауға алынды, олардың көпшілігі Temirov Live YouTube арнасының зерттеуші журналистері. Жобаның негізін қалаушы Болот Теміров бұны Ішкі істер министрлігі басшысының туыстарының қымбат дүние-мүлкі туралы жарияланымдары үшін кек алуы деп отыр.

18 қаңтарда Бішкек соты 11 журналист пен Temirov Live жобасының бұрынғы қызметкерлерін екі айға қамауға алды. Бір күн бұрын Ішкі істер министрлігінің қызметкерлері оларды жаппай тәртіпсіздікке шақырды деген айыппен ұстаған.

Temirov Live және «Айт Айт Десе» редакцияларының негізін қалаушы Болот Теміров қамауға алынған екі жоба жетекшісі Махабат Тәжібек қызы мен ақын Азамат Ишенбековке жаппай тәртіпсіздік ұйымдастырды деген айып тағылғанын айтты.