«Самұрық-Қазына» АҚ басқарма төрағасы Алмасадам Сәтқалиев Орталық коммуникациялар қызметіндегі брифинг барысында Қор компаниялары тобы бойынша қайырымдылық қызметіне тоқталды. Оның ішінде Қостанай облысында атқарылатын жобаларды атап өтті.

«Жедел көмек» жобасы аясында Жетісу, Абай, Ұлытау облыстарында және Қостанай облысының Әулиекөл ауданының аудандық ауруханалары үшін 16 жедел жәрдем көлігі сатып алынады. Жобаның мақсаты – науқастарды кез-келген қашықтыққа жылдам тасымалдауды қамтамасыз ету, зардап шеккен адам өміріндегі қауіп-қатерді жою және дер кезінде көмек көрсету», – деп атап өтті Алмасадам Сәтқалиев.