7 қазанда содырлары Израильге шабуыл жасаған ХАМАС тобының делегациясы Мәскеуге барды. Бірақ не мақсатпен барғаны әзірге белгісіз.

Ресей Сыртқы істер министрлігі Газа секторындағы кепілге алынған шетелдіктерді, оның ішінде ресейліктерді босатуды талап етті, ал ХАМАС дипломатиялық әрекеті үшін Владимир Путинге алғыс айтты, бірақ кепілге алынғандар туралы сөз қозғамады. Израиль Мәскеуді сынап, ХАМАС ұйымын шақыруды «артық қадам» деп атады.

Мұндай сапар болатыны туралы алдын-ала еш жерде хабарланған жоқ. ХАМАС делегациясының Мәскеу сапары туралы бірінші болып РИА Новости дереккөзі хабарлады. Көп ұзамай бұл ақпаратты Ресей Сыртқы істер министрлігінің өкілі Мария Захарова да растады.

Палестина қозғалысының өкілдері Мәскеуге келді – деген бір ауыз сөзбен шектелді.

Кешке Сыртқы істер министрлігі ХАМАС-тың Мәскеуде не істеп жатқаны туралы түсініктеме берді. Ресми мәлімдемеге сәйкес, «Ресейдің Газа секторында тұтқынға алынған азаматтарын дереу босатуға байланысы келіссөз жалғасқан». Сонымен қатар, Смоленская алаңының хабарлауынша, анклав аумағынан ресейлік және басқа да азаматтарды эвакуациялау мәселесі талқыланды.

Делегацияны ХАМАС саяси бюросының мүшесі Әбу Марзук басқарса, ал онымен келіссөздерді Сыртқы істер министрінің орынбасары және Ресей президентінің арнайы өкілі Михаил Богданов басқарды. Алайда Ресей Сыртқы істер министрлігі Богдановтың атын атаған жоқ. Десе де ХАМАС-пен кездесу туралы баспасөз хабарламасындағы фотосуретте оның атын аталды.

Хамастың түсіндірмесінде Әбу Марзук Мәскеуде «Газаға қарсы агрессияны» талқылап, «сионистік басқыншыларға қол жетімді барлық құралдармен қарсы тұру» құқығын талап етті.

Қозғалыс делегациясы Ресей президенті Владимир Путиннің ұстанымын және белсенді ресейлік дипломатияның күш-жігерін жоғары бағалады, – делінген баспасөз хабарламасында.

Хамас мәлімдемесінде кепілге алынғандар туралы айтылмайды. Бірақ атысты тоқтатуға, бақылау-өткізу пункттерін ашуға және гуманитарлық көмек жеткізуге шақырулар бар.

Израильге жасалған шабуыл салдарынан кемінде ресейлік 20 азамат қаза тапқан. Израиль азаматтығын алған тағы үш Ресей азаматы Газа секторында кепілге алынған деген болжам бар. Бұл туралы Ресейдің Израильдегі елшісі Анатолий Викторов мәлімдеді.

Arasha.kz

ФОТО: дереккөз